Од денеска па до 15 септември на скопското Кале ќе се одржува Пиволенд 2013.
– Сите љубители на пивото на овогодинешниот фестивал ќе можат да дегустираат околу 40 видови пиво, домашни и странски, како и да уживаат во големиот избор македонска традиционална храна од десет различни ресторани – најави градоначалникот на Град Скопје, Коце Трајановски.
Покрај во пивото, овие денови ќе се ужива и во музиката. Планирани се три бини со различен тип на музика, а најавени се Тамара Тодевска, ДНК, Тони Китановски и Васил Хаџиманов, Нокаут, Визија, на македонските ди-џеји Гоце (саф), Славе, Мирко Попов, Ајсберг, Роботек, Лефанк, Гејм овер и Чваре, како и најдобрите наши кавер изведувачи меѓу кои се и Бени нон стоп, Ај Кју, Пеперминт Босса нова, Лабаво Лавабо и многу други. Исто така, посетителите ќе можат да уживаат во настапите на регионалните ѕвезди: Електрични Оргазам, Едо Маајка, Постолар Трипер и Викеда.
На фестивалот ќе фунционира и катче каде што луѓето ќе можат да се забавуваат играјќи повеќе маалски игри како: табла, шах, тексас холдем покер, пиво понг, не лути се човече фудбалчиња.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
