Чомски: Американската интервенција во Сирија е воено злосторство

Воената интервенција на западните земји, предводена од САД, во Сирија без поддршка од ОН, би претставувала воено злосторство, без разлика дали ќе добие одобрување од американскиот Конгрес, изјави познатиот интелектуалец и пацифист Ноам Чомски.

– Имајќи предвид дека меѓународната поддршка за одлуката на Обама да ја нападне Сирија доживеа колапс, Администрацијата се врати на стандардниот изговор за воени злосторства кога се друго ќе доживее неуспех: кредибилитетот на заканите на самонаречениот светски полицаец, истакнува Чомски.

Тој неодамна го посети блискоисточниот регион со цел да дознае повеќе за сириската криза, а коментарите кои тогаш ги изнесе ги натера некои да поверуваат дека тој поддржува воена интервенција, доколку преговорите не доведат до постигнување мир. Неговите сегашни коментари укажуваат дека тој е противник на каква било воена акција која би била извршена без одобрување на ОН.

– Повеќе од јасно е дека агресија без одобрение на ОН би претставувала воено злосторство, и тоа многу сериозно, без разлика на тешките напори останатите злосторства да се претстават како преседан, нагласи Чомски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.