Српските медиуми пренесуваат транскрипт од снимени телефонски разговори меѓу сега веќе осуден лекар за барање и земање поткуп на Клиниката за неврохирургија во Војводина и неговата сопруга. Сепак, неговото име не се објавува. Овие разговори биле клучни докази на судењето.
Србија се бори против митото и корупцијата, а со објавата на ваквите разговори се крева и свеста на пациентите да ги пријавуваат несовесните доктори кои на мака на пациентите заработуваат и по еден станбен квадрат дневно.
Се пренесуваат два кратки разговори.
„500 поени!“ , така гласел одговорот кога го прашала како поминал денот, а потоа тој ја прашува:
– Дали си задоволна?, а таа потврдно одговара.
Втор разговор е пренесен подолго, како опишување колку се „заработува“:
– Здраво, како е денеска? – прашува жената.
– Денеска само 800 поени – одговорил докторот.
– Па, убаво – вели таа.
– Да, тоа е еден станбен квадрат, зар не? – констатуира докторот.
– Да, да – вели таа задоволно.
Иако во разговорите биле внимателни и не користеле валути туку само сумите, овие докази, сепак, докажале на судот дека се мисли на пари кои незаконски е баран и земен од пациенти.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
