Исламски терористи се обидуваат да се инфилтрираат во ЦИА

Американските разузнавачки служби ги „чешлаат“ досиејата и активностите на вработените и на кандидатите за работа.

Ал Каеда се обидува да се инфилтрира во американските разузнавачки служби, пишува „Вашингтон пост“. ЦИА открила дека пет кандидати што конкурирале за работа во агенцијата имаат сомнителна биографија и „терористички или непријателски врски“, наведува весникот, повикувајќи се на доверливи документи што им ги доставил поранешниот консултант на НСА, Едвард Сноуден.

Во документите не се открива природата на терористичките или на непријателските врски, но во нив најчесто се споменува Хамас, Хезболах и Ал Каеда. Стравот од нивно инфилтрирање е толку голем што НСА минатата година планира да истражи околу 4.000 вработени кои успешно ги минале безбедносните проверки. НСА ги забележала потенцијалните сомнителни активности меѓу вработените, следејќи го тоа што се пишува на тастатурите додека се на работа.

Сомнителното однесување се однесува на следење на пристапот на вработените до доверливи бази на податоци што не им се потребни за вршење на работата и нивно симнување.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.