Поразот од Македонија, Грците очигледно уште долго нема да можат да го преболат. Провокациите и навредите, и мешањето политика во спортот продолжува и денеска на социјалните мрежи. Официјалната фејсбук страна на Атланта Хоукс стана мегдан каде што се води жестока битка за името Македонија. Атмосферата дополнително ја загреаја администраторите на фан страната на новиот клуб на Перо Антиќ кои вчера и завчера му ги честитаа победите на нивниот нов член именувајќи ја државава како Македонија.
Многу Грци реагираа на потегот на Атланта и бараа да го избришат името Македонија, а на негово место да се напише ФИРОМ, по што следуваше жестока реакција од стотици Македонци.
Препирките меѓу македонските и грчките фанови на клубот почнаа завчера откако Македонија ја совлада Грција на турнирот во Улм, Германија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
