Амерканец се разбудил како Швеѓанец, сега си го бара животот

Американецот Мајкл Бутрајт, кој во февруари се разбудил како Јоан и од тогаш зборува шведски јазик, замина во Европа во потрага по информација за неговиот живот. Поранешниот наставник по англиски јазик отпатува во Гетеборг, каде што се видел со неговата пријателка Ева Есплинг, со која некогаш бил во врска, и се надева дека дружењето ќе му го освежи помнењето затоа што му била дијагностицирана привремена амнезија која била предизвикана од трауматичен настан.
Ева, која била запозната со новата ситуација во која се наоѓа Мајкл, била во врска со него во периодот од 1980 до 1984 година, додека тој работел во Шведска како дизајнер. Жената се надева дека ќе му помогне да си го поврати сеќавањето.
Мајкл на 29 февруари годинава се разбудил во мотел во Палм Спрингс и не можел да се препознае во огледалото. На лекарите им рекол дека единствено што знае е дека се вика Јоан Елк и дека е од Шведска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.