Средовечен татко повикал пријател со кого претепале професор на Факултетот за музичка уметност во Скопје затоа што не ѝ дал преодна оценка на неговата ќерка.
Полицијата јави дека вчера околу 9.30 часот во Скопје, на ФМУ за време на одржување на испит кај професорот Т.М.(63) од Скопје, во канцеларијата влегле А.И.(55) и А.Р.(27), двајцата од Скопје, незадоволни од тоа дека ќерката на А.И. паднала на испит, при што физички го нападнале професорот, удирајќи го со тупаници во пределот на главата и телото, при што му ја искинале кошулата.
А.И. протоа искршил дел од инвентарот во канцеларијата, му се заканил на Т.М. по животот и му го дал индексот на неговата ќерка за да ѝ стави оценка под присилба. Т.М. почнал гласно да бара помош, по што лицата се дале во бегство. Се преземаат мерки за расчистување на случајот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
