Влегувањето на Чешка во Европската унија во голем дел бил чекор назад, им порачал поранешниот претседател на Чешка Вацлав Клаус на учесниците на Летното школо во Охрид.
– Треба да кажеме доволно гласно дека европскиот и економскиот социјален систем, како и претераната регулација на економијата, на која лежи и огромното бреме на социолошките и еколошките услови, не овозможуваат брз стопански раст на кои им е потребен на земјите од средна, источна и јужна Европа – предупредил Клаус во најавеното предавање , чиј текст го објавил чешкиот неделник „Тиден“.
Клаус, кој во времето додека бил претседател, бил најгласниот евроскептик меѓу шефовите на држави и влади во ЕУ, укажал дека цената на влегувањето во ЕУ била висока, а посткомунистичките земји често и назадувале.
Тој вели дека биле присутни повеќе извори на незадоволство, а најглавниот е дека луѓето во посткомунистичките земји имаат премногу очекувања и илузии по падот на комунистичкиот режим.
– Мислевме дека крајот на комунизмот значи и веднаш слобода, демократија, слободен пазар, економска ефикасност и просперитет. Тоа не се случи, а требаше тогаш да знаеме дека не можело да се случи – рекол Клаус.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
