Иванов: Илинденскиот марш е предизвик, но и привилегија и чест

На испраќањето на коњаниците кои попладнето тргнаа на 35-от Илинденски марш присуствуваше и претседателот Ѓорге Иванов, кој е покровител на манифестацијата.

Иванов посакувајќи им успешно и безбедно пристигнување во Крушево, истакна дека преку коњаничкиот марш се одржува жив споменот на илинденските востаници и на нивната борба за слободна и независна Република Македонија.

– Учеството на „Илинденскиот коњанички марш“ е предизвик, но и привилегија и чест. Секоја година има сè повеќе и повеќе пријавени кандидати за учесници и сè повеќе и повеќе пријатели и поддржувачи на манифестацијата. „Илинденскиот коњанички марш“ е култен настан кој секоја година се подготвува и се реализира со душа и срце. Но, ова не е марш и манифестација само за спомен на минатото, тоа е и влог во сегашноста и залог за иднината. Македонските граѓани, овде во Лисиче, во Крушево, и во секое друго македонско село или град, никогаш нема да ја заборават жртвата на илинденците и нема да дозволат никој да ја доведе во прашање македонската државност, нагласи Иванов.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.