Во Грција уапсени двајца Македонци за кражби од туристи

Двајцата македонски државјани во изминатите 2 месеци ограбувале туристи на граничниот премин Богородица така што им ги оштетувале гумите на автомобилите, па им нуделе помош, а во меѓувреме им одземале пари и предмети од возилата пренесува Канал 5.

Грчката полиција завчера ги уапси 27 и 40-годишниот Македонец, во моментите кога провалиле во паркиран автомобил и одзеле еден паричник и еден лап топ. Тие се товарат за над 10 случаи а проценките се дека на овој начин „заработиле“ околу 6 илјади евра.Од полициската истрага се покажало дека двајцата разбојници имале конкретна, добро разработена тактика, го искористувале неколку минутното застанување на туристите за со остар предмет да нанесат штета на гумите на автомобилите и се оддалечувале од местото.

Потоа, го следеле возилото кое што го оштетиле, под изговор дека ќе му помогнат на сопственикот, а со методот на одвлекување на вниманието, од автомобилите краделе различни лични предмети и пари.

Од почетокот на јуни, па се до средата, тактиката на двајцата Македонци се покажала како ефективна. Во 15те случаи,за кои се товарат успеале да одземат 5.850 евра, лап топ, мобилен телефон и различни лични предмети и документи. Додека пак во моментот на апсењето, кај нив биле пронајдени 575 евра, 2600 денари и 60 српски динари.

Уапсените разбојници се товарат за тешки кражби, ќе одговараат пред судот во Кукуш, а грчката полиција истражува дали двајцата македонски државјани се поврзани и со други слични дела.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.