Кејти Холмс и Џејми Фокс планираат венчавка во Париз

Откако подолго време ја криеја својата врска, за која јавноста дозна пред неколку месеци, холивудските ѕвезди Кејти Холмс и Џејми Фокс сега планираат венчавка во Париз.

– Париз е градот во кој тие одлучија јавно да ја покажат својата љубов, по неколкугодишно таење. Кејти го увери Џејми дека се подготвени сето тоа да го направат и „официјално“. Таа многу сака зимско венчавање во Париз, наведува неименуван извор за порталот „Рејдар Онлајн“

Гласините говорат дека дека тие не ја откривале својата врска пред обожавателите поради предбрачниот договор на Холмс со Том Круз, каде што тој бара, „во случај на развод, таа да не може да има момче одреден број години потоа“, додава изворот.

Пред некое време, Холмс беше фотографирана со прстен на раката, но таа се правдаше дека тоа е само реквизит од филм.

MИА

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.