Советот за безбедност на ОН го одби предлогот за итна седница за инцидентот во Керченскиот Теснец

Советот за безбедност на ОН денеска го одби предлогот на Русија за свикување на итна седница на ова тело на Светската организација посветена на вчерашниот инцидент во Керченскиот Теснец.

За рускиот предлог гласаа четири членки на Советот за безбедност, седум беа против, а останатите четири беа воздржани.

Предлогот на Москва, покрај Русија, го поддржаа само уште Боливија, Казахстан и Кина.

– Никој не може да ја спречи Русија како постојана земја членка на Советот за безбедност да предлага прашања за кои смета дека се важни, изјави рускиот заменик-амбасадор во ОН, Дмитриј Пољански.

Руската армија вчера отвори оган врз три украински воени брода, кои се обиделе од Црното Море да влезат во Керченскиот Теснец. По вооружениот инцидент, руските сили ги задржаа украинските бродови заедно со 24-ца членови на нивните екипажи.

Украина ја обвини Русија за „воена агресија“, тврдејќи дека руската постапка е во спротивност со меѓународното право и со конвенциите на ОН за поморско право.

Москва меѓутоа смета дека нејзините сили дејствуваше во согласност со меѓународното право и домашното законодавство. – Се работи за инвазија на странски воени бродови во територијалните води на Руската Федерација, истакна портпаролот на Кремљ, Дмитриј Песков.

Керченскиот Теснец се наоѓа меѓу територијата на Русија и Кримскиот Полуостров, кој Москва го анектира во 2014 година. Руската анексија на Крим не е меѓународно призната.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.