Добри вести за ПСЖ: Повредата на Нејмар не е сериозна, ќе игра против Ливерпул

Ѕвездата на бразилската репрезентација, Нејмар нема да биде долго надвор од фудбалските терени откако синоќа доживеа повреда на пријателскиот дуел меѓу Бразил и Камерун. Првите проценки беа дека станува збор за тешка повреда во пределот на препоните, но утринава навивачите на ПСЖ ги дочека пријатна вест.

– Не се работи за ништо сериозно, но повеќе информации очекуваме по деталните прегледи во текот на денот, изјави првиот лекар на бразилсакта репрезентација.

Ако ова е точно, Нејмар ќе игра против Ливерпул во Лигата на шампионите во дуелот закажан за 28 ноември на домашен терен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.