Што ве очекува во љубовта до крајот на 2018?

Погледнете што ќе ви донесат последните месеци од годинава според вашиот хороскопски знак.

Овен
Сезоната на празници се наближува, па ова е вистинското време за вас. Можеби на почетокот ќе се чувствувате неудобно бидејќи вашиот живот е постојана битка, но во последните месеци од 2018-та конечно ќе одморите. Ќе направите пауза од што и да е за коешто се борите и ќе ги препознаете сите убави нешта што сами доаѓаат кај вас. Најважно од сè, ќе престанете да се борите со себе и да се жртвувате за вашата цел. Ќе им обрнете внимание на вашите потреби и желби, а овде спаѓаат и романтичните врски.

Бик
Крајот на 2018-та за вас ќе биде голема забава. Имате премногу причини да прославувате и многу настани што сакате да ги посетите. Ќе бидете гостинот кој никогаш не доаѓа со празни раце и домаќин што прави неверојатни забави. Но, по пат ќе сфатите дека постои личност за која би дале сè. Ова ќе им даде нова димензија на вашите прослави, димензија што им недостасувала.

Близнаци
Вие ја третиравте љубовта како големо зло. Понекогаш сте ги затворале очите и сте се криеле, а понекогаш сте се обидувале да истрчате до крајот. Постојано барате некаков излез. Но до крајот на годината ќе се ослободите од ова однесување и ќе донесете одлука. Ќе одлучите или целосно да се впуштите во врската, или конечно да ставите крај.

Рак
Ова е најсреќниот период од годината за вас бидејќи ви ги буди омилените сеќавања од детството. Ќе се опкружите со семејство и пријатели, па дури и нови познаници. Низ целата носталгија постои сеќавањето од личноста што ви недостига, а можеби токму сега ќе сфатите колку. На крајот на годината ќе одлучите дали ќе преземете нешто или ќе продолжите понатаму.

Лав
Оваа година бевте сечија фантазија, но секогаш сте се држеле на растојание. На крајот од годината ќе се појави личност која ќе го промени ова. Конечно ќе сретнете личност со која ќе сакате да се смирите и да се ослободите од вашето его.

Девица
Некој конечно ќе ве освои и ќе успее да продре во вас. Одеднаш ќе вложите сè во оваа врска и нема да можете да си објасните зошто. За прв пат во вашиот живот одговорот ќе биде само затоа, а овој пат тоа ви е сосема доволно.

Вага
Пред крајот на годината, некој ќе ви стане приоритет. Може да станува збор за пријател или за член од семејството. Без двоумење ќе ѝ дадете до знаење на оваа личност дека ви е најважна. Иако секогаш е тешко да им се спротивставите на најсаканите, не заборавајте дека тие ви го мислат најдоброто и дека ќе ги надминете сите разлики помеѓу вас.

Скорпија
До крајот на 2018-та ќе ја споделите вашата љубов кон филантропијата. Додека повеќето луѓе нема да знаат дека доброволно вложувате време и труд за да им помогнете на другите, ќе се чувствувате навистина задоволно со себе.

Стрелец
Крајот од годината ќе го поминете со оние што ги сакате најмногу. Ќе го дадете најдоброто од себе да се справите со целото внимание од пријателите и семејството бидејќи во текот на сите патувања оваа година сте сфатиле дека не можете да избегате од вашите чувства.

Јарец
Сакате да го направите следниот чекор со саканата личност, но важно е да најдете начин да го кажете тоа на поличен начин. Обидете се да покажете дека вашиот предлог доаѓа од вашето срце и ќе имате поголеми шанси да си ја исполните желбата.

Водолија
На крајот на годината ќе запознаете некого на навистина неочекуван начин, па конечно ќе можете да ги пробате чудните методи за состанување што ви се во план. Без разлика дали тоа ќе биде на час по танцување или на магионичарско шоу, само излезете надвор и ќе ги привлечете сите со вашиот ентузијазам.

Риби
Веќе некое време се обидувате да го најдете совршениот подарок за некого за крај на годината и ова ви создава неверојатен притисок. Не заборавајте дека подароците се само еден од многуте јазици на љубовта и дека постојат и други начини на коишто можете да ги покажете вашите емоции. Вашата способност да го слушнете и да го разберете партнерот ќе ви помогне да се поврзете со него на многу позначаен начин.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.