Во рамки на програмата „Номад ту Номад“, која е активност на кореографката Искра Шукарова и дел од НВО Номад танц академија Македонија и Факултетот за музичка уметност на УКИМ, од 11 до 15 ноември предавачи гости се Чарлс Слендер Вајт и Лијан Бурнс од САД.
Тие ќе работат со студентите од отсекот за современ танц на Катедрата за балетска педагогија при ФМУ, на современиот танцов перформанс „РеПлатформа“, а петдневниот едукативно-уметнички процес студентите ќе го претстават на изведба в петок (16 ноември) во фоајето на ФМУ од 20 часот.
Новиот проект кој ќе го создадат заедно со студентите е инспириран од композициската рамка која Чарлс Слендер Вајт и Лијан Бурнс веќе ја имаат креирано како дел од нивниот современ танцов дует „Платформа“.
Главна цел на програмата „Номад ту Номад“ е да овозможи видливост на Катедрата за балетска педагогија при ФМУ преку прикажување танцов процес во соработка со реномирани педагози и кореографи од странство.
Досега беа реализирани неколку успешни перформанси на Шукарова како професор на ФМУ и кореографи од странство, како „Проект М” со Грегор Каминикар од Словенија и „Чудна шума” со Урсула Еагли од САД. хс/са/
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Последни
-
Сензационално: Северина се разведува од Игор, поради познатата водителка!
-
Фатална сообраќајка кај Струмица: Со „Корса“ излетал од патот, загинал на лице место
-
Шон Пен во Истанбул: Ќе снима документарец за убиениот новинар Џамал Кашоги (видео)
-
Димитров: Зборовите „нација со комплекс“ се извадени од контекст