БЕСА ја испорача сметката за поддршката за уставните промени

Делот од движењето БЕСА на Билал Касами има 4 барања кои се веќе доставени до СДСМ и ДУИ.

Од движењето засега се цврсти во уверувањето дека без усвојувањето на нивните амандмани нема да гласаат за уставните измени и инкорпорирање на Преспанскиот договор во уставот.

БЕСА која има соработка со Алијансата за Албанците има 4 барања:

1. Во делот на преамбулата, предлогот што беше одобрен од страна на потписниците на Охридскиот договор од 2001 година, каде што Македонија ги дефинираше како еднакви сите нејзини граѓани, да биде вметнат во текстот.

2. На целата територија на Македонија и во меѓународните односи, службен јазик да биде македонскиот јазик и кирилицата и албанскиот јазик и неговата азбука.

3. Македонија да се грижи за сите нејзини граѓани што живеат надвор од територијата на Република Македонија, а не само за македонското население, додека другите етнички групи се генерализираат во “други граѓани”.

4. За да не му се дозволи на претседателот на државата да ги блокира вторите закони во Собранието, со што навремено, по второ гласање, а не со декрет на претседателот на Републиката, одобрениот закон ќе се објави само со потпишување на Претседателот на Собранието.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.