Претседателите на САД и Русија, Доналд Трамп и Владимир Путин ќе се сретнат и ќе разговараат во движење во Париз, бидејќи форматот на свеченоста посветена на завршувањето на Првата светска војна, нема да овозможи детален состанок, изјавил портпаролот на Кремељ, Дмитри Песков.
-Тие сигурно ќе се сретнат – рекол Песков, откако американскиот претседател претходно рекол дека е малку веројатно дека ќе се сретне со Путин на прославата од 100 годишнината од завршувањето на Првата светска војна во Париз.
Песков објаснил дека во Париз нема да има вистински состанок.
-Навистина, ситуацијата малку се промени. Повеќестраниот формат на настаните во чест на 100-годишнината од завршувањето на Првата светска војна не дозволуваат двајцата претседатели да одржат детален состанок-рекол Песков.
Поради тоа, било одлучено Путин и Трамп да разговараат во движење и да се договорат за идниот вистински состанок.
Трамп претходно изјави дека не е сигурен дали ќе се сретне до Путин, најавувајќи ја нивната средба на самитот на Г-20 до крајот на годината во Аргентина.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
