Поради исплатата на К-15, околу 99 проценти од вработените имаат обврска за електронска регистрација во УЈП

Подобрите компании веќе имаат исплатено К-15 во текот на летото, а финансиски послабите прашуваат дали може да се исплаќа на рати. Постои и можност што ја предвидува Општиот колективен договор за компаниите кои имаат финансиски проблеми, а тоа е во договор со синдикатот да направат спогодба за исплата на помали износи, изјави денеска претседателот на Органзиацијата на работодавачи на Македонија, Ангел Димитров.

Одговарајќи на новинарски прашања, Димитров предочи дека поради исплатата на К-15, сега најголем дел од вработените во Македонија имаат обврска за електронска регистрација на даночните пријави.

За да може УЈП да достави пополнета Годишна даночна пријава на увид на граѓаните преку системот https://e-pdd.ujp.gov.mk/, како и за да можат граѓаните да ја исполнат својата законска обврска – да ја потврдат точноста или да ги коригираат податоците од пополнетата Годишна даночна пријава преку системот https://e-pdd.ujp.gov.mk/ најдоцна до 31 мај 2019 година, потребно е навреме да се регистрираат на системот е-Персонален данок https://e-pdd.ujp.gov.mk/.

– Сега 99 проценти од вработените во Македонија имаат таква обврска само затоа што зеле К-15. Излегува дека К-15 е нешто надвор од работите од работен однос, а всушност тоа не треба да подлежи на персонален данок, вели Димитров.

Тој посочи дека со оваа обврска кон Управата за јавни приходи, работодавачите се ставени во позиција да им отвораат маил на постарите вработени и на оние кои дома немаат компјутер за да може да ја испочитуваат оваа обврска.

– Кај нас 900 луѓе ги регистрираме бидејќи тие дома немаат компјутер за да се регистрираат. Работодавачот сега сам прави трошок и ги регистрира, им отвора маил за им помага да можат да го испочитуваат законот. Кога ги носиме законите, треба да видиме дали има реални можности за негово спроведување, вели Димитров.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.