Се истражува трагедијата: Обновена истрагата за децата родени без раце

Франција започна со националната истрага за случаите во кои бебиња се родени со деформирани или без раце, откако беа откриени абнормални стапки на деформации во неколку региони во земјата, соопшти денеска Франсоа Бурдијон, шеф на агенцијата за јавно здравство.

Во изјавата за радио РТЛ тој  изјави дека истрагата е „во тек”, а резултатите ќе бидат познати „за околу три месеци”.

На 21 октомври министерката за здравство Андрес Бузин ја најави новата истрага, оценувајќи дека е „неподносливо“ тие случаи да останат неразјаснети.

Тогаш таа рече дека во истрагата ќе биде обновена, а во неа ќе учествуваат лекари и експерти за животна средина.

Во департмантот Ена во периодот од 2009 до 2014 година се родени седум деца без раце, во Атлантска Лоара три во 2007 и 2008, а во Бретања четири деца во периодот од 2011 до 2013 година.

Првата истрага ја спроведе санитарната агенција „Јавно здравство на Франција“ и кон почетокот на октомври заклучи дека случаите во Ена статистички се во националните граници. Но за малформациите во Атлантска Лоара и Бретања не се пронајдени објаснувања.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.