Двајца рудари повредени во рудникот Тораница

Двајца рудари биле повредени додека вршеле ископ на земја, вчера во рудникот Тораница.

Веднаш по несреќата повредените В.М.(41) од селото Дурачка река и Н.С.(40) од Крива Паланка биле однесени во Здравствениот дом во Крива Паланка каде им била укажана лекарска помош.

Поради сериозноста на повредите В.М. бил префрлен во скопскиот Клинички центар „Мајка Тереза“.

Според полицијата, несреќата се случила околу 14 часот додека рударите вршеле ископ во рудникот во еден момент се одронилa руда и ги затрупала. Увид извршиле полицијата, трудов инспектор, државен рударски инспектор и претставници од рудникот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.