Харадинај: Одлуката на македонскиот Парламент, добра вест и за Косово

Косовскиот премиер, Рамуш Харадинај, го пофали гласањето во македонскиот Парламент за уставните измени за промена на името, велејќи дека тоа е добра вест и за Косово.

Харадинај, преку статус на социјалната мрежа Фејсбук, пишува дека евроатлантската ориентација на земјите од Западен Балкан е од витално значење за одржување на мирот и стабилноста во регионот.

-Гласањето во македонскиот Парламент за започнување на уставните процедури за промена на името е добра вест и за Косово и за регионот.

Визијата, храброста и политичката зрелост на раководство и на народот на Македонија беа клучни за да се издигнат над несреќното историско минато и да се стави крај на едно од најтешките несогласувања во регионот.
Евроатлантската ориентација на земјите од Западен Балкан е од витално значење за одржување на мирот и стабилноста во регионот, стои во Фејзбук статусот на Харадинај.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.