Се породи Пипа Мидлтон

Сестрата на војвотката од Кембриџ, Кејт Мидлтон, Пипа Мидлтон, и нејзиниот сопруг Џејмс Метјуз станаа родители.

Како што пренесуваат британските медиуми, Пипа се породила вчера. Нејзиниот портпарол за магазинот „Пипл“ потврдил дека родила момче тешко 3.600 грaма и додал дека сите се многу возбудени и дека мајката и бебето се добро.

Триесет и петгодишната Пипа во јуни објави дека е бремена во колумна во магазинот Waitrose кога пишуваше за тоа како вежба додека е бремена. Иако не го откри датумот кога треба да се породи, многумина претпоставуваа дека бебето ќе се роди во октомври.

Пипа и Џејмс се венчаа минатата година по двегодишна врска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.