За некоои прекинувањето на врската е тешко за преболување. Ова најчесто важи за романтичните души кои во крајот на љубовта гледаат повод да се повредат, бидејќи не можат да ги поднесат новите околности.
Така тврди авторката на една студија, Хелен Е. Фишер , биолошки антрополог од Универзитетот Ратгерс, која се обиде да открие зошто некои личности тогаш се однесуваат како навистина да пропаднал светот.
„Затоа што љубовта може да биде силна, прекрасна зависност кога се оди добро, но и престрашна кога работите тргнат кон лошо“, објаснува Фишер. Деловите од мозокот одговорни за романтична љубов настанале пред милиони години, за нашите предци да се фокусираат, со само една личност, да го почнат процесот на размножување. Кога вашата љубов е одбиена, сте ја изгубиле најголемата животна награда, а тоа е партнер за создавање потомство.
Таа објаснува дека кога ќе не остави саканата личност, системот на мозокот се активира така што се обидува да ни помогна да го вратиме, па на неа постојано се фокусираме, чезнееме за неа и се обидуваме да ја придобиеме.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
