Кривична пријава против 26-годишен скопјанец за обид за убиство во Ченто

Секторот за внатрешни работи Скопје – Единица за насилен криминал, до надлежното Основно јавно обвинителство Скопје, со кривична пријава го предаде А.М.(26) од Скопје, поради основи на сомнение дека на 24.09.2018 година со повеќе истрели од огнено оружје се обидел да го лиши од живот Ј.Б.(22) од Скопје, со што сторил кривично дело „убиство во обид“.

Како што соопшти МВР, завчера околу 00,05 часот на крстосница на улиците „Дормиторскa“ и „Алија Авдовиќ“ во населба Ченто пријавениот A.M. го пресретнал Ј.Б., излегол од возило и од автоматска пушка пукал кон оштетениот, кој управувал патничко моторно возило „мерцедес”. Повредениот од случајни минувачи бил однесен во Комплексот клиники „Мајка Тереза“ каде е задржан на понатамошно лекување.

– Од страна на полициски службеници извршен е увид на местото на настанот. По преземените мерки и активности дојдено е до сознанија дека можен сторител на кривичното дело е А.М. и тој од страна на полициски службеници е лишен од слобода, наведуваат од МВР.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.