Романтично запросување на Галичка свадба

Крунисување на брак да, но не и запросување. Запросувањето за време на Галичката свадба не е познато во полувековната историја на оваа свадба.

Бајракчијата Дејан Петроски, некаде помеѓу свекрвиното и невестинското оро, клекна на колена и ја побара неговата девојка Кристина Кипријановска, исто така учесничка на свадбата, со која се во врска околу пет години – јави Нова Македонија.

Инаку, вечерва официјално започна Галичката свадба, на која присуствуваа околу 1.500 посетители. Се изигра тешкото, се китеше и редеше бајракот, пукаа пушки, невестата отиде по вода, а највоодушевени беа посетителите, кои со овации го поздравуваа целото случување.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.