Бајруш Сејдиу предвреме ослободен од затвор, токму пред референдумот

Бајруш Сејдиу не се враќа во затвор, одлучи судот, пренесува порталот Досие, според кој неофицијално имало многу ургенции надвор од судот за да се реализира отпустот. Според одлуката на Кривичен совет на Кривичниот суд нему му бил даден условен отпуст од 11 месеци.

Невообичаено е и тоа што претседателот на судот му наредил на доставувач наредбата и одлуката на Кривичниот совет да биде однесена во затворот во Куманово, што не е пракса на судот, пишува во текстот објавен на Досие и се додава дека невообичаено е коси со дел од законските одредби одлуката на Кривичен совет за давање условен отпус на осудено лице чија казна била во прекин за извршување поради здраствени причини.

Бајруш Сејдиу му испраќа поздрави на Заев

Условен отпуст е предвремено отпуштање на осуденото лице од издржување на казната затвор и тоа е една законски утврдените основи за отпуштање на осудените лица.

„Осуденото лице, кое се наоѓа на издржување казна во установата, молбата за условен отпуст ја доставува преку управата на установата до судот што ја донел пресудата во прв степен кој одлучува за условниот отпуст“, предвидува законот, но не предвидува достава на документација освен за итни судски постапки.

Кумановскиот тутунски бос Бајруш Сејдиу има две пресуди една од 12 години затвор и уште една од 5 и пол или вкупно 15 години. Осуден е за малверзации со стечајни постапки, фалсификување цигари, злосторничко здружување.

Агим Красниќи и Бајруш Сејдиу ослободени за да бидат ставени во погон за изборите

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.