Погба: Сега сум во Јунајтед, но никогаш не се знае

Францускиот фудбалер од средниот ред, Пол Погба ја разбрани јавноста со изјавата за неговиот престој во вицешампионот на Англија, Манчестер Јунајтед. Според пишувањата на англиските медиуми, тој веќе одамна не е во добри односи со менаџерот на тимот, Жозе Мурињо, а извесно време се шпекулира дека побарал трансфер.

– Многу работи се кажаа, но јас имам договор со Манчестер. Мојата иднина е тука, имам договор и тука играм, но кој знае што може да се случи во наредните месеци, изјавил Погба.

Во врска со односот со Мурињо, тој негира дека постојат проблеми.

– Мурињо и јас имаме класичен однос меѓу играч и тренер, и така треба да биде. Можам да ве уверам дека јас секогаш давам 100 отсто, без разлика кој е мојот тренер. Секогаш давам 100 отсто за Јунајтед, тоа е сè што сакам да кажам, додал Погба.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.