Раул и ПСЖ поразени во полуфиналето на „Трофејот на шампионите“

Раул Гонзалез во својот прв официјален меч како стратег на ПСЖ беше поразен во полуфиналето на „Трофеј на шампиони“ од Ст. Рафел со минимални 26-25.

Според играта се чинеше дека Раул Гонзалез и неговите избраници се речиси сигурни финалисти во францускиот „Трофеј на шампиони“, но така очигледно не размислуваше противникот. И покрај водството во текот на целиот меч, па и на полувремето (13-11) ПСЖ на крајот по голема драма беше поразен од Ст.Рафаел со 26-25.

Бранител на трофејот во ова натпреварување е Нант на Кирил Лазаров, кој минатата година го совлада токму ПСЖ и ја прекина доминацијата од три години по ред. Капитенот на македонската репрезентација во полуфиналето ќе игра против Монпелје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.