Мицкоски – Даниелсон: ВМРО-ДПМНЕ не се согласува со договорот бидејќи е спротивен на македонскиот правен систем и меѓународните стандарди и практики

Претседателот на ВМРО-ДПМНЕ Христијан Мицкоски, оствари средба со директорот на Директоратот за проширување во Европската комисија, Кристијан Даниелсон.

Во текот на средбата Мицкоски ја афирмираше заложбата на ВМРО-ДПМНЕ поврзани со членството на Република Македонија во Европската унија. Мицкоски нагласи дека ВМРО-ДПМНЕ верува во реформите и идеолошките постулати на европската интеграција.

Мицкоски ги повтори ставовите на ВМРО-ДПМНЕ поврзани со Договорот со Република Грција и укажа дека Партијата не може да се согласи со содржината на истиот бидејќи е спротивен со македонскиот правен систем како и меѓународните стандарди и практики.

„Во текот на средбата ги повторив ставовите на ВМРО-ДПМНЕ поврзани со Договорот и укажав дека Партијата не може да се согласи со содржината на истиот бидејќи е спротивен со Македонскиот правен систем како и меѓународните стандарди и практики“, пишува Мицкоски во соопштението на Фејсбук.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.