Неофицијало: Ова е причината за смртта на актерот Ванчо Петрушевски

Актерот Ванчо Петрушевски почина денеска на 67 години, објавија на своите фејсбук страници неговите колеги од Драмскиот театар. Неофицијално, загинал од струен удар во неговата викендичка во Орешани, близу Драчево, каде живеел во летните месеци.

Во моментов увид на местото на несреќата прави екипа на МВР и дежурен јавен обвинител.

Петрушевски е роден на 19 април 1951 година во Скопје, а во 1975 година се вработил во Драмски театар, каде се пензионираше во 2016 година. Меѓу неговите последни улоги е во претставата „Буре барут“ во режија на Сашо Миленковски.

Петрушевски е познат по улогата во Македонски народни приказни, „Трст виа Скопје“, а има добиено и голем број на награди.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.