Независнкиот полициски синдикат бара МВР да ја признае неговата репрезентативност

Независниот синдикат на полицијата бара Министерството за внатрешни работи да го земе предвид фактот дека по сила на закон овој синдикат, со над 2.500 членови е репрезентативен и да го вклучи во донесувањето на одлуките и актите кои ги засегаат правата на вработените во полицијата.

Репрезентативноста, како што посочи на денешната прес-конференција генералниот секретар на НСП Орце Коцевски, ја потврдила и Комисијата за репрезентативност со решение во кое ги известила дека репрезентативноста на ниво на работодавач се стекнува по сила на закон согласно член 212 став 5 од Законот за работни односи, односно со исполнување на овој услов.

– Со ова решение со кое се потврдува дека НСП по сила на закон е репрезентативен синдикат и веќе треба да ги има сите права и обврски од постоечкиот колективен договор на МВР, рече Коцевски.

Од Независниот синдикат на полицијата забележуваат дека и покрај минатомесечната средба со министерот Оливер Спасовски и тогашниот директор на БЈБ и договорот за учество и на овој синдикат во социјалниот дијалог, нивните ветувања не се консултирани во изготвувањето на Листата на плата, но и оти не е информиран за постапката за систематизација на работните места во Министерството.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.