Звучи чудно, но ова е една работа што не треба да ја правите пред првото излегување

Имате закажано состанок вечерва и сосема нормално, сакате да се покажете во најдоброто светло? Да, вие слободно можете да се нашминкате и да го облечете тоа во што најдобро се чувствувате, но еден клучен детаљ од вашата подготовка е подобро да се изостави. Верувале или не, станува збор за туширањето.

Иако звучи чудно, науката има добро и логично објаснување. Според научниците, сите ние имаме специфична миризба којашто ѝ предизвикува позитивна или негативна реакција на личноста покрај нас. И тоа е многу добро затоа што нашето тело веднаш препознава кој ни одговара, а кој не. Потта излачува феромони, односно сексуални трансмитери, а токму тие се главните виновници за одбирање на партнерот.

Имајќи го ова на ум, ако веднаш пред излегувањето се избањате, вие ќе ги „избришете“ сите ваши природни миризби, и токму тоа може да води до погрешен впечаток кај личноста со која се состанувате.

Најдобриот совет е да се избањате ноќта пред состанокот, или пак, сабајлето на денот. Ако чувствувате дека ептен морате да се туширате пред самото излегување, тогаш употребете производи што не мирисаат. На овој начин ќе му дозволите на вашето тело да си ја сработи својата работа и ако е компатибилно со мажот од другата страна – тоа веднаш ќе го привлече!

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.