100.000 луѓе во Романија се дигнаа против корупираната Влада

Околу сто илјади Романци од кои поголемиот дел се иселеници, побараа вчера во Букурешт оставка од владата која ја обвинуваат за корупција.

Протестите беа одбележани со голем број инциденти и конфликти меѓу протестантите и вооружените сили на редот.

Ги имало околу 100.000

„Оставка!“ и „Арамии!“, скандинирале протестантите, за кои медиумите пишуваат дека ги имало околу 100.000 пред парламентот.

Дел од нив се обиделе да го пробијат полицискиот кордон, а полицијата употребила солзавец за да ги растури. Повредени се повеќе од 240 луѓе.

Стотина лица примиле помош поради вдишување на плин, а десетина полицајци се повредени при фрлањето на камења и шишиња, велат податоците од службите за помош. Бројните полициски сили ги повикале протестантите да се оддалечат од насилните поединци.

Носејќи знамиња на Шпанија, 30 годишните Стефан и Илеана Ангел, стигнаа во Романија за да се приклучат на протестите.

Двајцата истакнаа дека во Романија ништо се нема променето. Дека нема модерни патишта и школи и дека насекаде има корупција. Двојката стигна од Њујорк, каде живее триесетина години.

И тие ги истакнаа корупцијата и проневерувањето на пари како најголем проблем на земјата.

Над илјадници луѓе излегоа да протестираат и во другите големи градови.

Петина од Романците живеат и работат во странство

Околу 4 милиони Романци, од вкупно 20, работат во странство. Од нив половината работат во Италија и Шпанија, според службените податоци.

Во текот на минатата година, иселените Романци на семејствата во татковината им испратиле 4,3 милијарди евра, или околу 2,5% од БДП то на земјата, која се смета за една од најсиромашните во Европа.

репортер.мк

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.