Три „голф“ и „југо“: Неколкумина повредени во судир на четири возила

Неколку лица се повредени во сообраќајката што се случи вчера во 17,30 часот на регионалниот пат Куманово-Скопје во с.Љубодраг. Како што соопштуваат од МВР, дошло до судир помеѓу четири возила: патничко моторно возило „голф“ со кумановски регистерски таблици, управувано од А.Н.(42) од Куманово, патничко моторно возило „југо“ со скопски регистерски таблици, управувано од Б.Р.(70) од Скопје, патничко моторно возило „голф“ со кумановски регистерски таблици, управувано од С.П.(58) од с.Умин Дол-кумановско и патничко моторно возило „голф“ со странски регистерски таблици, управувано од Ј.Џ.(30) од с.Арачиново-скопско.

По незгодата со возило на Итна медицинска помош во Клиничката болница во Куманово биле пренесени двајца сопатници од возилата и од страна на лекар кај К.Н. констатирани биле тешки телесни повреди, а кај С.Р. констатирани биле телесни повреди.

За укажување на лекарска помош се јавиле и возачот А.Н. и уште двајца сопатници во истото возило, како и возачот Б.Р. и кај истите од страна на лекар биле констатирани телесни повреди.

Извршен бил увид на местото на настанот од страна на СВР-Куманово и се работи на целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.