Среде бел ден украле две круни на шведскиот крал, еден царски жезол опкован со злато и скапоцени камења и побегнале со глисер

Во Шведска во тек е потера по крадци кои во понеделникот среде бел ден успеале да украдат скапоцен кралски накит, по што побегнале со глисер.

Двајцата разбојници скокнале во глисер во близина на катедралата „Странгнас“ во југоисточниот дел на Шведска и побегнале со накит од 17. век. Укредени биле две круни од кралот Карл IX и кралицата Кристина и еден царски жезол, опковани со злато и скапоцени камења, чија вредност е непроценлива.

Полицијата започнала потрага по копно, море и воздух. Бродови, авиони, хеликоптери и автомобили тргнале во сите правци, но без резултат. Властите велат дека сé уште не знаат каде побегнале крадците.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.