Потрага по близначки кои исчезнаа во пожарите во Грција

Спасените девојчиња од пожарите во областа Атика, кои таткото ги виде во телевизиски прилог и тврдеше дека се неговите ќерки, сепак не се деветгодишните близначки, а тие и официјално се водат за исчезнати.

Според грчките медиуми, човекот што на видеото е заедно со девојчињата во чамецот што во понеделникот вечерта спаси граѓани од една од плажите зафатени од пожарот, пред крајбрежната служба и грчката полиција рекол дека децата кои биле со него се негови, а веројатно, ова тврдење го поткрепил и со потребните документи.

Невладината организација за заштита на правата на децата „Насмевката на детето“, во соработка со грчките власти, објави плакати со фотографии и податоци за девојчињата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.