Сега нема пароли за „Правда“ и „Мир“ за пуштањето на убиецот на Нешковски

Игор Спасов, осуден за убиството на Мартин Нешковски во 2012 година на затворска казна од 14 години излегол од затворот во Идризово и во моментов се наоѓа во својот дом во Штип. Официјалното образложение за пуштањето на овој поранешен полициски службеник е дека е направен прекин на казната заради лекување. Всушност, деновиве Спасов е пуштен и на 15-дневен отпуст заради лекарски прегледи, а сега добил уште додатни 30 дена. Не се кажува за каков проблем станува збор, ама не му било местото во арестанското одделение, специјалното болничко крило за затвореници, затоа што таму, како велат од Управата за санкции, биле сместувани само тешко болните. Според информациите, Спасов од дома ќе чека термин за магнетна резонанса.

За потсетување, убиството на Мартин Нешковски, заради кое Спасов во 2012 година е осуден на 14 години затвор, предизвика бура и беше иницијална каписла за покренување големи протести во рамки на дневно-политичките игри на тогашната опозиција. Во оби­дот за де­ста­би­ли­за­ци­ја на др­жа­ва­та ка­ко обид со на­силс­тво СДСМ да дој­де на власт, Зо­ран За­ев го зло­у­по­тре­би слу­ча­јот од 2010 го­ди­на и убис­тво­то на Мар­тин Не­шко­ски. При­тоа кре­и­ра­ше лажна сли­ка во јав­но­ста упо­тре­бу­вај­ќи де­ло­ви од те­ле­фон­ски­те раз­го­во­ри до­де­ка тра­е­ла истра­га­та за да ја из­ма­ми јав­но­ста де­ка вла­ста се оби­де­ла да при­крие убис­тво. За­ев не се ни оби­де да ка­же де­ка полицијата го расчисти случајот за помалку од 48 часа, а суд­ската по­стап­ка заврши за по­мал­ку од ед­на го­ди­на.

Иако делува изненадувачко за дел од јавноста, сепак постојат многу индикатори дека станува збор за нешто многу поголемо од таканареченото времено пуштање на Спасов. Пред сè, станува збор за индикатори кои водат кон еден очекуван потег, а тоа е предвремено ослободување на Спасов, на половина од издржувањето на неговата казна.

Додека траеше процесот, Заев и СДСМ пре­мол­чу­ваа де­ка бра­ни­тел на Спа­сов во суд­ски­от про­цес за убис­тво­то на Не­шко­ски бе­ше ад­во­ка­тот Ва­не Ан­дре­ев, акту­е­лен со тоа што го бра­неше и ли­де­рот на СДСМ, Зо­ран За­ев, во слу­ча­јот „Пуч“. Имај­ќи ги ин­фор­ма­ци­и­те од пр­ва ра­ка од сво­јот ли­чен ад­во­кат, За­ев истовремено про­дол­жуваше со ма­ни­пу­ла­ци­и­те и со сво­ја­та кон­струк­ци­ја да ја за­ве­ду­ва јав­но­ста во ос­тва­ру­ва­ње на сво­е­то сце­на­рио за ури­ва­ње на ле­ги­тим­но из­бра­на­та власт.

Откако се дограби до власта, Заев „отрча“ на посета во КПД Идризово, каде што вети амнестија за осудени криминалци, што претпоставуваше нови црни сценарија за потребите на СДСМ. И токму во „Идризово“ се сретна со убиецот на Мартин Нешковски, Игор Спасов. Бурата од реакции не стивнуваше, особено заради фотографијата од „Идризово“ на Заев со Спасов, а дел од пропагандната машинерија на власта се обиде да ја сокрие поврзаноста меѓу нив двајца. За таа средба дел од таа машинерија бараше наводни оставки и откази за луѓето од пиaрот на Заев, посочувајќи ги како единствените „виновници“ за „неочекуваното“ ракување.

Сепак, актуелниот „времен“ прекин на затворската казна на Спасов, можеби е најконтрадикторен ако се земе предвид дека пред само неколку месеци се појави вест дека Спасов завршил во „самица“ заради инцидент во Идризово. Од затворот во март го потврдија инцидентот, но без конкретна информација што точно се случило. Неофицијално тој побегнал од затворот, па самиот се вратил, заради што бил изолиран од останатите затвореници.

Во меѓувреме владата на СДСМ донесе и одлука за амнестија, со која повеќе од 800 осудени криминалци и сторители на кривични дела добија делумно или целосно ослободување од затворските казни.

Работите дополнително ги компликува и фактот што Игор Спасов, кој тврдеше дека не го убил Нешкоски, под силно полициско обезбедување неколку пати беше на распит кај обвинителите на Специјалното јавно обвинителство каде водат постапка за овој случај. Поради сомневања од за одговорност на претпоставените на Спасов, произлезени од бомбите со прислушуваните разговори, на почетокот на 2016 година СЈО го презеде овој случај и отвори предистражна постапка.

До денес за убиството на Mартин Нешкоски не е отворена истрага, СЈО го води како предистражна постапка. Неофицијално, овој е еден од случаите кои го чекаат новиот закон за заштита на сведоци.

Дали ова ослободување на Спасов значи и најава за целосно ослободување на Нешковски, наскоро ќе излезе на виделина. Прашање е само дали тоа ќе значи ново барање за задоволување на „Правдата“ и „Мирот“, како што гласеа и паролите за време на насилните протести на тогашната опозиција, или „борците за правда“ ќе продолжат да молчат како што молчат и за неажурноста на полицијата на СДСМ за убиството на Мартин Јанушев во скопски Аеродром, убиството на Саздо, или се почестите напади на автобуските постојки?

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.