Лекарите на Јувентус потврдија: Роналдо има тело на 20-годишен активен спортист

Португалската фудбалска ѕвезда, Кристијано Роналдо го финализираше трансферот во Јувентус и помина низ задолжителните медицински прегледи.

Крајните резултати излегоа вчера, а лекарите во торинскиот гигант останале зачудени од индексите на Роналдо. Кристијано запишал импресивни податоци за 33-годишен спортист, откако неговото тело и физичка подготовка е еквивалентно на 20-годишен професионален спортист.

Кристијано има само седум проценти телесна маст, а тоа е три проценти помалку од просекот за професионален играч на тоа ниво. ЦР7, исто така, има импресивна мускулна маса од 50 отсто, што е четири проценти повеќе од играч од највисоко ниво.

Кристијано покажа и сериозни резултати на Мундијалот 2018 што се однесува до брзина на теренот. Португалскиот напаѓач достигна 34 километри на час на теренот во Русија, а побрз од него на шампионатот немаше.

Јувентус го купи Кристијано за 100 милиони евра од Реал Мадрид ова лето.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.