Вистинска драма се случуваше денеска во скопската населба Злокуќани. Дваесетина семејства беа спречени да влезат во своите домови во станбениот комплекс „Свети Јован“, јави Канал 5.
Обезбедувањето на инвеститорот на комплексот, Благоја Николовски, не ги пушта да влезат, под образложение дека имаат долг, за што сопствениците велат дека е неосновано.
– Пријавивме во полиција оти овој проблем веќе станува сериозен и нашите роднини се спречени да влегуваат внатре – изјави Оливер Димитровски, преседател на куќниот совет.
Сопствениците кои не можат да влезат во своите домови се обиделе да го контактираат инвеститорот но безуспешно, извести Канал 5.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
