Уапсен скопјанец, украл 73.000 евра, лажејќи дека му пукнала гумата

МВР поднесе кривична пријава до надлежното Основно јавно обвинителство во Скопје против И.И. (30) од Скопје поради основи на сомнение дека извршил кривично дело – “тешка кражба на дрзок начин“, притоа стекнувајќи се со противправна имотна корист од околу 73.000 евра.

Од страна на судија на претходна постапка на пријавениот веќе му е одредена мерка притвор во траење од 30 дена.

И.И. на 12-ти овој месец нешто по 07 часот, на бензинска пумпа на автопатот Куманово- Скопје забележал дека во возилото на оштетениот има торбичка со пари, која што била на совозачко седиште од автомобилот.

Откако оштетениот тргнал со своето возило, напуштајќи ја бензинската пумпа, во правец кон Скопје, бил престигнат од возилото на пријавениот И.И. кој во еден момент со десната рака почнал да покажува кон десното задно тркало од возилото на оштетениот сигнализирајќи дефект. Оштетениот застанал и се упатил кон задниот дел од возилото за да провери за што станува збор, а пријавениот во тој момент ја одземал торбичкаата и избегал.

Веднаш по пријавата презмени се мерки и активности. И.И. е приведен, а во полициска станица извршено е и препознавање на обвинетиот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.