Се разведе Кристијана Аманпур, водечката новинарка на Си-Ен-Ен

Водечката новинарка на Си-Ен-Ен, Кристијана Аманпур, и поранешниот репортер и дипломат Џејмс Рубин се разведуваат по 20 години брак.

Веста прв ја објави „Вашингтон пост“, а весникот истакнува дека разводот се одвива во пријателска атмосфера.

Тие се запознале за време на војната во Сараево, од каде Аманпур известувала за Си-Ен-Ен, а Рубин исто така работел како репортер. Рубин потоа беше ангажиран како помошник за јавни односи на државниот секретар Медлин Олбрајт за време на мандатот на претседателот Бил Клинтон.

Двојката стапи во брак во 1998 година во Италија, а имаат и еден син Дариус Џон, кој се роди во 2000-та година. Иако се разведуваат тие се во пријателски односи и неодамна заедно се појавија на матурската забава на нивниот син.

Аманпур сега живее во Лондон, а Рубин е консултант во компанијата „Балард партнерс“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.