Трофејот останува во Европа, Белгијците го елиминираа Бразил од Мундијалот

Репрезентацијата на Белгија вечерва обезбеди место по полуфиналето на годинешниот Мундијал, откако го совлада еден од фаворитите на првеснтвото, Бразил со 2-1. Погодоците во првиот дел беа доволни за Белгијците да обезбедат победа откако Фернандињо ја затресе сопствената мрежа, по што Де Брујне зголеми на 2-0.

„Кариоките“ успеаја само да намалат во второто полувреме со погодокот на Ренато Августо. Со оваа победа од СП беше елиминирана последната репрезентација на Мундијалот која не е до Европа.

Белгија во полуфиналето ќе се соочи со Франција која денеска славеше победа полесна од очекуваната (2-0) против Уругвај, кој играше без повредниот Кавани. Утре ќе бидат познати и дргите два полуфиналисти кои ќе дојдат од дуелите помеѓу Русија – Хрватска и Англија – Шведска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.