Канабис се одгледува во јапонскиот парламент

Четири билки канабис биле пронајдени во зградата на парламентот во Токио, пренесува Би-Би-Си.

Четири растенија канабис се тргнати откако биле забележани од еден посетител. Тие изгледаат дека се стари околу два месеци, а не е познато како влегле во зградата на парламентот.

Како што соопштуваат од јапонскиот парламент, семе од канабис можело да биде донесено од ветер или од птици. Случајот е пријавен во Владата на Јапонија, која веднаш испратила двајца претставници да го испитаат случајот.

Во иднина планирани се неколку посети за да се утврди дали билките се потполно искоренети и не се шират.

Јапонија има строга политика и нема толеранција кон какво било поседување на дрога, а дури и за мали количини на канабис може да се добие затворска казна од пет години.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.