Каракачанов: Договорот за Македонија е под знак прашање!

Бугарскиот министер за одрбрана Красимир Каракачанов се сомнева  дали воопшто ќе стане реалност договорот Заев-Ципрас за „Република Северна Македонија“, која одеднаш и за него не е проблематично име за западниот сосед, иако до вчера и тој и целиот државен врв на Бугарија велеа дека тоа име го засега и Пирин.

– Во Македонија има бесна опозиција на името Северна Македонија, има опозиција и во грчкиот парламент. Западниот сосед треба да спроведе референдум со најесен резултат, а потоа и Парламентот да ги изгласа текстовите со двотретинско мнозинство, кое Заев и неговите албански партнери го немаат. Во меѓувреме, во 2019 година има парламентарни избори во Грција, на кои се очекува да победи десничарската опозиција Нова демократија, а таа во моментов е против името Северна Македонија – објаснува Каракачанов.

Во врска со новото име на соседот, тој сега вели дека недоумиците околу него биле решени со Договорот за пријателство, добрососедство и соработка?!

– Договорот содржи гаранции дека Скопје нема да пројавува претензии за територии и за малцинства. А името ‘Северна Македонија’ не треба да нè загрижува во ситуација кога пред речиси 30 години сме го признале сегашното, кое од географски аспект покрива многу поголема територија – изјави Каракачанов.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.