Мицотакис до Ципрас: Зошто луѓето да се викаат Македонци и да зборуваат македонски?

Лидерот на грчката опозиција Кирјакос Мицотакис поднесе интерпелација во грчкиот парламент за владата на Алексис Ципрас поради договорот за името. Според Мицотакис, станува збор за лош договор и прифаќањето на македонскиот јазик и македонската националност е неприфатлив национален пораз.

Претседателот на Нова Демократија вели дека државата добива географска одредница, но не и нејзиниот народ.

-Можете ли да ми кажете зошто луѓето да се викаат Македонци и да зборуваат македонски, го праша Мицотакис премиерот Ципрас.

Мицотакис му забележува на Ципрас и дека се подготвува да потпише договор во Преспа во недела, без да потврди дека има парламентарно мнозинство и без едногласна поддршка од неговиот кабинет.

-Сè ова е без преседан. Обврзан сум да ги искористам сите можности предвидени со Уставот да го спречам застранување на институциите и ставање на иднината на земјата под хипотека, вели Мицотакис.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.