Каракамишева: Со овој штетен меѓународен договор, ќе се доведе во прашање нашиот суверенитет како Македонци

Професорката Тања Каракамишева, професорка по уставно право и политички систем на својот Фејсбук профил преку анализа на меѓународниот договор Македонија – Грција упати порака до јавноста дека истиот мора да се отфрли, бидејќи ќе биде предмет на сите натамошни уценувања што Грција ќе ни ги прави, а се поврзани со нашиот идентитет.

– Ако еднаш се потклекне на уцените, тие до крајот на процесот на приклучување на земјата во ЕУ и во НАТО ќе бидат присутни, ќе нема крај со уцените и со условувањата!

Грција ќе си добие простор за ставање нови, и нови, и нови идентитетски услови и барања. Грција нема да сопре тука!

Во секоја фаза од преговањата со ЕУ Грција може да ни стави ВЕТО, а Македонија ќе мора сите нивни апетити и каприци да ги исполни. И не само на Грција, тука се каприците и на Бугарија, и на Албанија за НАТО, пишува професорката.

Според Каракамишева ова е штетен меѓународен договор со кој ќе се доведе во прашање нашиот суверенитет како Македонци, посебно откако ќе ни бидат избришани идентитетските компоненти (преку процесот на јакнење на другите идентитети внатре), во Македонија ќе биде доведен во прашање и територијалниот идентитет на државата.

Во продолжение целата анализа на Проф. Тања Каракамишева:

Со губењето на името Република Македонија државата НЕМА ДА ДОБИЕ ИМОТЕН ЛИСТ ЗАПИШАН ВО КАТАСТАР, како што лупета Заев, туку државата ќе ја ИЗГУБИ својата територија!

Токму затоа договорот МОРА да се отфрли, бидејќи истиот ќе биде предмет на сите натамошни уценувања што Грција ќе ни ги прави, а поврзани со нашиот идентитет.

Кога еднаш ќе се согласиш да промениш идентитет поради нечии други интереси рампата останува подигната и за сите натамошни промени условени од Грција, но и од другите соседи.

Ако еднаш се потклекне на уцените, тие до крајот на процесот на приклучување на земјата во ЕУ и во НАТО ќе бидат присутни, ќе нема крај со уцените и со условувањата!

Грција ќе си добие простор за ставање нови, и нови, и нови идентитетски услови и барања. Грција нема да сопре тука!

Во секоја фаза од преговањата со ЕУ Грција може да ни стави ВЕТО, а Македонија ќе мора сите нивни апетити и каприци да ги исполни. И не само на Грција, тука се каприците и на Бугарија, и на Албанија за НАТО!

На крај, со овој штетен меѓународен договор ќе се доведе во прашање НАШИОТ суверенитет како Македонци, посебно откако ќе ни бидат избришани идентитетските компоненти (преку процесот на јакнење на другите идентитети внатре), во Македонија ќе биде доведен во прашање и ТЕРИТОРИЈАЛЕН ИНТЕГРИТЕТ на државата.

Ова претставува и најопасната безбедносна димензија за државата.
Со други зборови, епилогот на оваа авантура со името ќе биде губење на територијата на Македонија, бидејќи не-суверениот актер ќе стане предмет на апетитите на соседните држави.
Она што е битно да се разбере е дека со губење на името, СЕ ГУБИ и територијата!

Ниту НАТО во еден таков развој на настаните нема да може да го спречи распадот на Македонија.
Судбината на Македонија ќе наликува на распадот на Југославија, како што впрочем прогнозираа грчките политичари.
Во едни такви околности, најголем „колач” од територијата на сегашна Македонија ќе земат сојузниците на НАТО!

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.