Владата ќе го сервисира мерцедесот што не го користи

Службата за општи и заеднички работи на Владата објави оглас, во кој се бара фирма која ќе врши сервисирање на возилото и проценетата вредност е 27.550 евра без ДДВ, а огласот на сајтот на Бирото за јавни набавки го објави Службата за општи и заеднички работа на Владата.

„Сервисирање на моторно возило марка MERCEDES BENZ тип S 600 – BLIND, во периот од 12 месеци“, пишува во огласот.

Директорот на Службата за општи и заеднички работи, Пеце Мирчевски вели дека додека е во нивна сопственост возилото мора редовно да му се врши сервис и поради тоа распишан е тендер.

Мирчевски додава дека возилото не можат да го продадат додека не заврши судскиот процес за случајот „Тенк“ односно додека пресудите не станат правосилни.

Мината недела на обвинетите Никола Грувески и Ѓоко Поповски им беа изречени пресудата, односно беа прогласени за виновни. Груевски доби 2 година затворска казна, а Поповски 6 години. Но пресудата сè уште не е правосилна бидејќи тие имаат право на жалба. Исто така не е завршено судењето на Гордана Јанкуловска, на која ќе ѝ се суди во издвоена постапка поради ризична бременост.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.