Димитров уште денеска ќе побара средба со Иванов за да го информира за преговорите за името

„По синоќешното враќање од Брисел на министерот за надворешни работи Никола Димитров, како што сум информиран, тој уште денеска ќе побара средба со претседателот Иванов за да го информира за сето она што е ново во преговорите за името“, одговори на новинарско прашање премиерот Зоран Заев.

Во однос на забелешките на шефот на државата за негово исклучување од текот на преговорите, Заев одговори:

-Претседателот Иванов беше информиран за сѐ што се случуваше за време на преговорите за името до таа лидерска средба. Еве денеска ќе биде информиран и за она што е ново од тогаш до денес. Следува мојот разговор со Ципрас, по што веднаш ќе ги информирам надлежните институции, политички лидери, претседателот на државата и на Собранието“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.