Венецуела го протера највисокиот американски дипломат во земјата

Венецуела го протера највисокиот американски дипломат во земјата, јавуваат светските агенции.

Венецуелскиот претседател Николас Мадуро во телевизиско обраќање им даде рок од 48 часа на привремениот вршител на должност американски Амбасадор Тод Робинсон, и на неговиот заменик Брајан Наранхо да ја напуштат земјата.

Тој го презема овој чекор еден ден откако американскиот претседател Доналд Трамп најави нови санкции против Венецуела по реизборот на Мадуро на изборите во неделата.

Од тогаш, тензијата меѓу Вашингтон и Каракас се интензивираше. Според САД, изборите во Венецуела не биле демократски.

Двете земји немаат амбасадори една во друга од 2010 година.

Извор: МИА

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.