Мотоциклист од Скопје тешко повреден откако удрил во стадо овци

Двесет и петгодишен државјанин на Швајцарија, кој живее во Скопје, со мотоцикл удрил во стадо овци во атарот на село Говрлево.

Мотоциклистот со својата „априлија“ со германски ознаки се движел по регионалниот пат Скопје – Козјак, при што удрил во стадото овци кои го преминувале патот. Овците биле водени од 55-годишен овчар од селото Горно Јаболчиште.

По незгодата, мотоциклистот бил пренесен во комплексот клиники „Мајка Тереза“ каде му бил констатирани тешки телесни повреди и бил задржан на лекување.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.